ਇਕ ਦਿਨ ਪਹਿਲਾਂ ਜਲੰਧਰ 'ਚ ਕੁੱਲ੍ਹੜ ਪੀਜ਼ਾ ਦੇ ਬਾਹਰ ਹੋਏ ਹੰਗਾਮੇ ਤੋਂ ਬਾਅਦ ਸਹਿਜ ਅਰੋੜਾ ਨੇ ਨਿਹੰਗਾਂ 'ਤੇ ਦੋਸ਼ ਲਗਾਏ ਹਨ। ਸਹਿਜ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਪੋਸਟ ਕਰਕੇ ਕਿਹਾ ਕਿ ਨਿਹੰਗਾਂ ਨੇ ਪਹਿਲਾਂ 50,000 ਰੁਪਏ ਦੀ ਮੰਗ ਕੀਤੀ ਸੀ। ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਨੂੰ ਜਲਦੀ ਹੀ ਹੱਲ ਕਰ ਲਿਆ ਜਾਵੇਗਾ।
ਵੀਰਵਾਰ ਨੂੰ ਲੁਧਿਆਣਾ ਦਾ ਨਿਹੰਗ ਰਮਨਦੀਪ ਸਿੰਘ ਮੰਗੂ ਆਪਣੇ ਸਾਥੀਆਂ ਨਾਲ ਰੈਸਟੋਰੈਂਟ ਦੇ ਬਾਹਰ ਪਹੁੰਚਿਆ ਸੀ। ਮੰਗੂ ਮੱਠ ਨੇ ਕੁੱਲ੍ਹੜ ਪੀਜ਼ਾ ਜੋੜੇ ਖਿਲਾਫ ਗੁੱਸਾ ਜ਼ਾਹਰ ਕੀਤਾ ਸੀ। ਹੰਗਾਮੇ ਸਮੇਂ ਸਹਿਜ ਅਰੋੜਾ ਅਤੇ ਗੁਰਪ੍ਰੀਤ ਕੌਰ ਉਥੇ ਮੌਜੂਦ ਨਹੀਂ ਸਨ।
ਸਹਿਜ ਨੇ ਕਿਹਾ ਕਿ ਕੰਪਨੀਆਂ ਵੀਡੀਓ ਬਣਾਉਣ ਲਈ ਉਸ ਕੋਲ ਪਹੁੰਚਦੀਆਂ ਹਨ। ਜਿਸ ਵਿੱਚ ਉਹਨਾਂ ਨੂੰ ਰੀਲ ਨੂੰ ਬਣਾਉਣ ਦਾ ਸਮਾਂ ਵੀ ਦੱਸਿਆ ਜਾਂਦਾ ਹੈ। ਜਿਸ ਤੋਂ ਬਾਅਦ ਉਹ ਉਕਤ ਰੀਲ ਬਣਾਉਂਦਾ ਹੈ। ਸਹਿਜ ਨੇ ਇੱਕ ਸੀਸੀਟੀਵੀ ਵੀ ਜਾਰੀ ਕੀਤਾ ਹੈ, ਜਿਸ ਵਿੱਚ ਉਹ ਹੰਗਾਮਾ ਕਰਨ ਆਏ ਨਿਹੰਗ ਦੇ ਸਾਥੀ ਨਾਲ ਗੱਲ ਕਰਦਾ ਦਿਖਾਈ ਦੇ ਰਿਹਾ ਹੈ।
ਇਸ ਦੌਰਾਨ ਨਿਹੰਗ ਮੰਗੂ ਮੱਠ ਨੇ ਕਿਹਾ ਸੀ ਕਿ ਕੁੱਲ੍ਹੜ ਪੀਜ਼ਾ ਜੋੜਾ ਸਿੱਖ ਭਾਈਚਾਰੇ ਦਾ ਨਹੀਂ ਹੈ। ਸਹਿਜ ਤੇ ਉਸ ਦੀ ਪਤਨੀ ਗੁਰਪ੍ਰੀਤ ਕੌਰ ਨੇ ਇਕ ਗੀਤ 'ਤੇ ਅਦਾਕਾਰੀ ਕਰਕੇ ਪੂਰੀ ਦੁਨੀਆ ਨੂੰ ਹਲੂਣਿਆ ਹੈ। ਇਹ ਦੋਵੇਂ ਪਤੀ-ਪਤਨੀ ਬਿੱਗ ਬੌਸ 'ਚ ਜਾਣ ਲਈ ਅਜਿਹਾ ਕਰ ਰਹੇ ਹਨ।
ਮੰਗੂ ਨੇ ਹੰਗਾਮੇ ਦੌਰਾਨ ਕਿਹਾ ਸੀ ਕਿ ਦੁਨੀਆ ਨੇ ਹੀ ਉਹਨਾਂ ਦੇ ਬੁਰੇ ਸਮੇਂ 'ਚ ਮਦਦ ਕੀਤੀ ਸੀ। ਅੱਜ ਫਿਰ ਸਹਿਜ ਗਲਤ ਵੀਡੀਓ ਪਾ ਕੇ ਸਿੱਖੀ ਨੂੰ ਬਦਨਾਮ ਕਰ ਰਿਹਾ ਹੈ। ਇਹ ਮਹੀਨਾ ਦੁਖਦਾਈ ਹੈ। ਗੁਰੂ ਸਾਹਿਬ ਦੇ ਪਰਿਵਾਰ ਦੀ ਸ਼ਹੀਦੀ ਹੋਈ ਸੀ। ਅਜਿਹੇ ਲੋਕ ਸਿੱਖੀ 'ਤੇ ਕਲੰਕ ਹਨ। ਮੰਗੂ ਨੇ ਕਿਹਾ ਸੀ ਕਿ ਫਿਲਹਾਲ ਸਹਿਜ ਦਾ ਨੰਬਰ ਬੰਦ ਆ ਰਿਹਾ ਹੈ। ਸਹਿਜ ਨੂੰ ਸੁਨੇਹਾ ਭੇਜਿਆ ਗਿਆ ਹੈ ਕਿ ਉਹ ਜਲਦੀ ਮੁਆਫੀ ਮੰਗੇ।
