ਜਸਬੀਰ ਜੱਸੀ ਅਤੇ ਹੰਸਰਾਜ ਹੰਸ ਵਿਚਾਲੇ ਸੋਸ਼ਲ ਮੀਡੀਆ 'ਤੇ ਛਿੜੀ ਜੰ+ਗ, ਵੇਰਵਾ ਜਾਨਣ ਲਈ ਪੜੋ ਪੂਰੀ ਖ਼ਬਰ

ਪੰਜਾਬੀ ਗਾਇਕ ਹੰਸਰਾਜ ਹੰਸ ਅਤੇ ਜਸਬੀਰ ਜੱਸੀ ਵਿਚਾਲੇ ਸੋਸ਼ਲ ਮੀਡੀਆ 'ਤੇ ਜੰਗ ਸ਼ੁਰੂ ਹੋ ਗਈ ਹੈ। ਹੰਸ ਨੇ ਪੰਜਾਬ ਦੇ ਮਸ਼ਹੂਰ ਗਾਇਕ ਜਸਬੀਰ ਜੱਸੀ 'ਤੇ ਪਲਟਵਾਰ ਕੀਤਾ ਹੈ। ਹਾਲ ਹੀ 'ਚ ਜੱਸੀ ਨੇ ਸੋਸ਼ਲ ਮੀਡੀਆ 'ਤੇ ਦਰਗਾਹਾਂ 'ਤੇ ਗਾਉਣ ਵਾਲੇ ਗਾਇਕਾਂ ਦਾ ਕਈ ਵਾਰ ਵਿਰੋਧ ਕੀਤਾ ਸੀ। ਹੰਸਰਾਜ ਹੰਸ ਨੇ ਕਿਹਾ ਕਿ ਤੁਹਾਨੂੰ ਕੋਈ ਬੁਲਾਉਂਦਾ ਹੀ ਨਹੀਂ।

ਇੱਕ ਨਿੱਜੀ ਮੀਡੀਆ ਗਰੁੱਪ ਨੂੰ ਦਿੱਤੇ ਇੰਟਰਵਿਊ ਵਿੱਚ ਗਾਇਕ ਹੰਸਰਾਜ ਹੰਸ ਨੇ ਜਸਬੀਰ ਜੱਸੀ ਦੇ ਬਿਆਨ ਨੂੰ ਗਲਤ ਕਰਾਰ ਦਿੱਤਾ ਹੈ। ਦੱਸ ਦੇਈਏ ਕਿ ਹੰਸਰਾਜ ਹੰਸ ਜਲੰਧਰ ਦੇ ਨਕੋਦਰ ਸਥਿਤ ਬਾਪੂ ਲਾਲ ਬਾਦਸ਼ਾਹ ਜੀ ਦੀ ਦਰਗਾਹ 'ਤੇ ਮੁੱਖ ਸੇਵਾਦਾਰ ਵਜੋਂ ਸੇਵਾ ਨਿਭਾਅ ਰਹੇ ਹਨ।

ਜੱਸੀ ਨੇ ਕਿਹਾ- ਵੱਡੇ ਕਲਾਕਾਰਾਂ ਦਾ ਦਰਗਾਹਾਂ 'ਤੇ ਗਾਉਣਾ ਸ਼ੋਭਾ ਨਹੀਂ ਦਿੰਦਾ

ਪੰਜਾਬੀ ਗਾਇਕ ਜਸਬੀਰ ਜੱਸੀ ਸੋਸ਼ਲ ਮੀਡੀਆ 'ਤੇ ਕਈ ਵਾਰ ਬਿਆਨ ਦੇ ਚੁੱਕੇ ਹਨ ਕਿ ਪੰਜਾਬੀ ਗਾਇਕਾਂ ਨੂੰ ਦਰਗਾਹਾਂ 'ਤੇ ਨਹੀਂ ਗਾਉਣਾ ਚਾਹੀਦਾ, ਮੈਂ ਇਸ ਦਾ ਸਖ਼ਤ ਵਿਰੋਧ ਕਰਦਾ ਹਾਂ। ਜਦੋਂ ਹੰਸਰਾਜ ਨੇ ਇਸ ਬਿਆਨ ਬਾਰੇ ਜਵਾਬ ਦਿੱਤਾ ਤਾਂ ਜੱਸੀ ਨੇ ਟਿੱਪਣੀ ਵਿੱਚ ਉਨ੍ਹਾਂ ਨੂੰ ਜਵਾਬ ਦਿੱਤਾ। ਜਿਸ ਵਿੱਚ ਉਸਨੇ ਕਿਹਾ ਸੀ - "ਭਾਜੀ ਤਾਂ ਕੁਦਰਤ ਵੱਲੋਂ ਨਿਵਾਜ਼ੇ ਗਏ ਬਹੁਤ ਵੱਡੇ ਫ਼ਨਕਾਰ ਨੇ, ਭਾਜੀ ਨੇ ਸਿਆਸਤ ਵਿੱਚ ਆਕੇ ਆਪਣਾ ਅਤੇ ਸੰਗੀਤ ਦੀ ਦੁਨੀਆਂ ਦਾ ਬਹੁਤ ਵੱਡਾ ਨੁਕਸਾਨ ਕੀਤਾ ਹੈ, ਭਾਜੀ ਨੂੰ ਸਿਰਫ਼ ਲੋਕਾਂ ਨੂੰ ਗਾਣਾ ਸੁਣਾਉਣਾ ਅਤੇ ਸਿਖਾਉਣਾ ਚਾਹੀਦਾ ਹੈ।