ਸਰਹਿੰਦ ਰੇਲਵੇ ਸਟੇਸ਼ਨ 'ਤੇ ਮੰਗਲਵਾਰ ਸ਼ਾਮ ਨੂੰ ਯਾਤਰੀ ਰੇਲਵੇ ਟਰੈਕ 'ਤੇ ਉਤਰ ਗਏ। ਉਨ੍ਹਾਂ ਰੇਲਵੇ ਸਟੇਸ਼ਨ 'ਤੇ ਆ ਰਹੀ ਟਰੇਨ 'ਤੇ ਪਥਰਾਅ ਵੀ ਕੀਤਾ। ਮਿਲੀ ਜਾਣਕਾਰੀ ਅਨੁਸਾਰ ਛਠ ਪੂਜਾ ਤੋਂ ਪਹਿਲਾਂ ਸਰਹਿੰਦ ਤੋਂ ਰਵਾਨਾ ਹੋਣ ਵਾਲੀ ਵਿਸ਼ੇਸ਼ ਤਿਉਹਾਰ ਰੇਲਗੱਡੀ ਦੇ ਰੱਦ ਹੋਣ ਕਾਰਨ ਇਹ ਲੋਕ ਨਾਰਾਜ਼ ਸਨ। ਇਹ ਰੇਲ ਗੱਡੀ ਮੰਗਲਵਾਰ ਨੂੰ ਦੁਪਹਿਰ 12.20 ਵਜੇ ਰਵਾਨਾ ਹੋਣੀ ਸੀ ਪਰ ਰੇਲਵੇ ਨੇ ਦਿਨ ਭਰ ਕਿਹਾ ਕਿ ਇਹ ਰੇਲਗੱਡੀ ਸ਼ਾਮ ਤੱਕ ਰਵਾਨਾ ਹੋਵੇਗੀ। ਸ਼ਾਮ ਨੂੰ ਅਚਾਨਕ ਇਹ ਐਲਾਨ ਕੀਤਾ ਗਿਆ ਕਿ ਟਰੇਨ ਹੁਣ ਬੁੱਧਵਾਰ ਨੂੰ ਦੁਪਹਿਰ 1.30 ਵਜੇ ਰਵਾਨਾ ਹੋਵੇਗੀ। ਇਸ ਐਲਾਨ ਨੂੰ ਸੁਣ ਕੇ ਯਾਤਰੀਆਂ ਗੁੱਸੇ ਵਿੱਚ ਭੜਕ ਗਏ
ਸ਼ਾਮ ਨੂੰ ਵੱਡੀ ਗਿਣਤੀ 'ਚ ਯਾਤਰੀਆਂ ਨੇ ਰੇਲਵੇ ਟਰੈਕ ਅਤੇ ਸਟੇਸ਼ਨ 'ਤੇ ਹੰਗਾਮਾ ਕਰ ਦਿੱਤਾ।
ਸਰਹਿੰਦ ਸਟੇਸ਼ਨ 'ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਛੱਠ ਪੂਜਾ ਲਈ ਬਿਹਾਰ ਜਾਣ ਵਾਲੇ ਲੋਕਾਂ ਦੀ ਭੀੜ ਨੂੰ ਦੇਖਦੇ ਹੋਏ ਰੇਲਵੇ ਨੇ ਸਰਹਿੰਦ ਤੋਂ ਸਹਰਸਾ ਲਈ ਵਿਸ਼ੇਸ਼ ਰੇਲ ਗੱਡੀ ਨੰਬਰ 04526 ਚਲਾਉਣ ਦਾ ਐਲਾਨ ਕੀਤਾ ਸੀ। ਇਸ ਦੇ ਲਈ ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਵਿੱਚ ਰਹਿਣ ਵਾਲੇ ਬਿਹਾਰ ਦੇ ਲੋਕਾਂ ਨੇ ਟਿਕਟਾਂ ਬੁੱਕ ਕਰਵਾਈਆਂ ਹੋਈਆਂ ਸਨ।
ਇਹ ਟਰੇਨ ਮੰਗਲਵਾਰ ਨੂੰ ਦੁਪਹਿਰ 12.20 ਵਜੇ ਸਰਹਿੰਦ ਰੇਲਵੇ ਸਟੇਸ਼ਨ ਤੋਂ ਰਵਾਨਾ ਹੋਣੀ ਸੀ। ਜਿਸ ਲਈ ਲੋਕ ਸਟੇਸ਼ਨ 'ਤੇ ਪਹੁੰਚੇ। ਸਟੇਸ਼ਨ 'ਤੇ ਰੇਲਵੇ ਵਾਲੇ ਉਨ੍ਹਾਂ ਨੂੰ ਸਵੇਰ ਤੋਂ ਸ਼ਾਮ ਤੱਕ ਦੱਸਦੇ ਰਹੇ ਕਿ ਟਰੇਨ ਜਲਦੀ ਹੀ ਰਵਾਨਾ ਹੋ ਜਾਵੇਗੀ। ਜਿਵੇਂ-ਜਿਵੇਂ ਦਿਨ ਚੜ੍ਹਦਾ ਗਿਆ, ਅਚਾਨਕ ਰੇਲਗੱਡੀ ਨੂੰ ਰੱਦ ਕਰਨ ਦਾ ਐਲਾਨ ਕੀਤਾ ਗਿਆ।
ਰੇਲਵੇ ਵੱਲੋਂ ਸਹੀ ਜਾਣਕਾਰੀ ਨਾ ਦੇਣ 'ਤੇ ਮੁਸਾਫਰਾਂ 'ਚ ਗੁੱਸਾ, ਯਾਤਰੀਆਂ ਦਾ ਕਹਿਣਾ ਹੈ ਕਿ ਅਚਾਨਕ ਟਰੇਨ ਰੱਦ ਕਰਨ ਦਾ ਐਲਾਨ ਕੀਤਾ ਗਿਆ। ਇਸ ਤੋਂ ਬਾਅਦ ਜਦੋਂ ਲੋਕ ਕਾਊਂਟਰ 'ਤੇ ਪਹੁੰਚੇ ਤਾਂ ਉਥੇ ਕੋਈ ਵੀ ਰੇਲਵੇ ਕਰਮਚਾਰੀ ਮੌਜੂਦ ਨਹੀਂ ਸੀ। ਲੋਕਾਂ ਨੂੰ ਸਹੀ ਜਾਣਕਾਰੀ ਦੇਣ ਲਈ ਰੇਲਵੇ ਵੱਲੋਂ ਸਟੇਸ਼ਨ 'ਤੇ ਕੋਈ ਵੀ ਮੌਜੂਦ ਨਹੀਂ ਸੀ। ਲੋਕਾਂ ਨੂੰ ਟਿਕਟਾਂ ਦੇ ਪੈਸੇ ਵੀ ਵਾਪਸ ਨਹੀਂ ਕੀਤੇ ਜਾ ਰਹੇ ਹਨ।ਜਿਸ ਕਾਰਨ ਯਾਤਰੀ ਸਰਹਿੰਦ ਰੇਲਵੇ ਸਟੇਸ਼ਨ ’ਤੇ ਹੀ ਫਸਿਆ ਹੋਏ ਸਨ।, ਜਦ ਕਿ ਉਹਨਾਂ ਦੇ ਪਰਿਵਾਰਕ ਮੈਂਬਰ ਬਿਹਾਰ ਵਿੱਚ ਉਹਨਾਂ ਦੇ ਆਉਣ ਉਡੀਕ ਕਰ ਰਹੇ ਹਨ।
ਲੋਕਾਂ ਨੇ ਰੇਲਵੇ ਅਤੇ ਕੇਂਦਰ ਸਰਕਾਰ ਖਿਲਾਫ ਆਪਣਾ ਗੁੱਸਾ ਜ਼ਾਹਰ ਕੀਤਾ। ਉਨ੍ਹਾਂ ਕਿਹਾ ਕਿ ਛੱਠ ਪੂਜਾ ਬਿਹਾਰ ਵਿੱਚ ਰਹਿਣ ਵਾਲੇ ਲੋਕਾਂ ਦਾ ਸਭ ਤੋਂ ਵੱਡਾ ਤਿਉਹਾਰ ਹੈ। ਅਜਿਹੇ 'ਚ ਸਪੈਸ਼ਲ ਟਰੇਨਾਂ ਚਲਾਈਆਂ ਜਾ ਰਹੀਆਂ ਹਨ ਪਰ ਹੁਣ ਜਦੋਂ ਲੋਕ ਜਾਣ ਲਈ ਤਿਆਰ ਹਨ।
ਅਜਿਹਾ ਹੋਣ 'ਤੇ ਟਰੇਨਾਂ ਨੂੰ ਮੌਕੇ 'ਤੇ ਹੀ ਰੱਦ ਕੀਤਾ ਜਾ ਰਿਹਾ ਹੈ। ਰੇਲਵੇ ਤੋ ਸਪੈਸ਼ਲ ਰੇਲਾ ਚਲਾਉਣ ਦੀ ਮੰਗ ਕੀਤੀ
